Kominn heim (reyndar búinn að vera hérna í nokkra daga).

Er með sama símanúmer og seinast eða 616-8865.

Ég mun halda áfram að nota gmail addressuna mína en einnig er ég með tímabundið netfang í vinnunni: gudmundurf(hjá)oddi.is. Þetta mun líklega breytast eftir ca 6 vikur.

later dudes
GF

Það er rúm 3 og hálft ár síðan að ég flutti frá Íslandi...

Á þessum tíma hef ég upplifað alveg gríðarlega mikið, bæði góðar minningar og slæmar...

Hérna eru nokkrar (ekki er stuðst við neina röðun hér fyrir neðan):
hitti Isabel
stofnaði F.Í.B.L.
kynnst dansheiminum
Eignast marga góða vini
Séð nýja menningarheima
Eytt jólum við Genfarvatn
upplifað svissneska fjallafegurð
upplifað sorgina að missa góðan vin
farið á bestu tónleika sem ég hef séð
borðað fondu í svissneskum fjallakofa
Búið í Sviss, Austurríki og Þýskalandi
farið í göngutúr í yfir 3500 metra hæð
farið á skíði í Frakklandi, Austurríki og Sviss
labbað mörgu sinnum til Frakkalands og Þýskalands
upplifað stemminguna að vera á íshokkíleik með yfir 16.000 áhorfendum
átt margar skemmtilega rökræður um allt milli himins og jarðar (þó aðallega pólitík)
og óteljandi önnur atriði...

En það er kannski kominn tími á að taka smá pásu....

Ég er nefnilega að flytja heim núna á laugardaginn (þann 4 ágúst) og mun líklegast dvelja á Íslandi í ca 1-2 ár. Ástæðan er sú að mér var boðin vinna hjá JK Fjárfestingum og mun ég vinna að því að gera það að því stórveldi sem þá á skilið að vera... Gleymið Baug Group, FL Group, og svoleiðis Group-bjánum.. Núna er það JK sem skiptir máli!

Nánari upplýsingar seinna

Já, tíminn líður hraðar og hraðar! Er ekki örugglega ennþá 24 klst í sólarhring? Ég er ekki viss..

Hvað hef ég verið að gera? Ég fór á djammið í fyrsta skiptið í ca 3 mánuði seinustu helgi en þá fór ég í afmælisveislu rétt hjá Salzburg. Þessi veisla var haldin í fjallakofa með fallegu útsýni og var hún mjög skemmtileg. Góður matur, gott vín og skemmtilegur félagsskapur. Alveg eins og það á að vera!

Ég hef síðan verið að vinna helling með Isabel við undirbúning á næstu verkefnum. Við vorum með áheyrnapróf í Vín í síðustu viku þar sem Isabel var að prófa dansara fyrir næsta verkefni. Mitt verkefni var aðallega að kvikmynda þetta allt svo að hún gæti skoðað þetta aftur seinna og tekið ákvörðun hverja hún á að velja. Þar sem ég stóð við hliðina á geislaspilaranum þá breyttist ég líka í "setja á lag númer 2 þegar ég er tilbúin!"-gaur. Já, 6 ára háskólanám út um gluggann og ég breyttist í þann sem ýtir á "play"!!! Annars var þetta bara fínt.

Á þriðjudaginn vorum við í St Pölten (borg ca 30mín frá okkur) en þar var Isabel boðið að sýna Eisvogel verkið sitt. Við vorum þar til að ræða við ljósa- og hljóðmenn ásamt því að skoða salinn til að reyna að ákveða hvort að það sé hægt að setja þetta upp þarna. Ef allt gengur upp þá mun hún sýna þetta um miðjan júní.

Á miðvikudaginn fórum við síðan aftur til Vínar en þá var "fyrsti í verðlaunaafhendingu". Isabel er tilnefnd til verðlauna af Assitej Austria og það var smá veisla með þeim sem voru tilnefnd ásamt spjalli við dómnefndina. Þau (dómnefndin) voru nú mest að tala sjálf (merkilegt hvað listamönnum þykir gaman að tala) og útskýra hvað þau gerðu til að finna bestu verkin til að tilnefna.

Núna erum við síðan aftur á leiðinni til Vínar en í kvöld verður síðan sjálf verðlaunaafhendingin. Þetta verður gala-kvöld þannig að maður þarf að fara gera sig tilbúinn fljótlega... Ég veit ekki hvernig þetta fer í kvöld en okkur finnst þessi verðlaunaafhending vera frekar skrýtin. Kemur í ljós!

Farinn í sturtu!

Við erum komin frá Munchen. Það er nú alltaf skemmtilegt að dvelja þar og sérstaklega þegar veðrið var svona gott... Um 25°C og sól! Já.. það er komið sumar!

Núna erum við á leiðinni til Vínar en við komum aftur í kvöld (um 22).

Farinn...

Jæja.. Þá er kominn tíma á smá ferðalag. Á eftir (eftir ca 3 klst) tek ég lestina til Munchen og mun ég dvelja þar fram yfir helgi. Tilgangurinn með ferðinni er að fara ræða við eitt líftæknifyrirtæki og síðan kannski versla aðeins. Isabel kemur reyndar ekki fyrr en annað kvöld þar sem hún er á fara á fundi í Vín og Salzburg. Já, svona er þetta líf hér í mið-Evrópu.. Maður er alltaf á flakki.

Hvað annað að gerast? Ekki mikið! Ég er að venjast því að hafa netið aftur, læra að spila WoW aftur og svoleiðis. Þetta er mikill lúxus.

Þetta verður nú ekki lengra í dag þar sem ég þarf að pakka einhverju og kannski fara í sturtu.

Þangað til á mánudaginn!

Já... Magnaðar fréttir! Ég er kominn með internetið heim þannig að ég er aftur orðinn nútímamaður! Þetta var ekki auðvelt enda varð að leggja nýja símalínu inní húsið en það skiptir ekki máli! Þetta þýðir auðvita að það er hægt að ná mér á skype, msn eða heimasíma... Sendið póst til að fá símanúmerið...

Hvað hefur gerst síðustu daga/vikur/mánuði? Foreldrar mínir voru í heimsókn yfir páskana og var það mjög skemmtilegt. Við vorum mest hér í Krems en fórum einn dag til Vínar. Þau voru ánægð með veðrið enda var um 20°C allan tímann enda komið vor hér í Austurríki. Svipuð veðurspá er fram í næstu viku...

Svo að ég svari Svenna. Ég er í viðræðum við 2 fyrirtæki um möguleika vinnu og fyrir páska var í Zurich í viðtali og síðan er ég að fara til Munchen á föstudaginn í annað viðtal. Ég veit ekki hvað gerist en það kemur í ljós...

Jæja.. Ég ætla að fara að borða pizzuna sem við vorum að gera. Það er mjög líklegt að ég skrifi mun meira núna þar sem ég er með betri netaðgang..

Þangað til næst

Já... Bloggið mitt... Stundum verðum maður að skrifa eitthvað.. Er haggi?

Hvað hef ég verið að gera? Myndin ætti nú að geta gefið smá hugmynd en ég er einmitt ný kominn úr vikuskíðaferð. Mér var nefnilega boðið í árlegu skíðaferð Nowak fjölskyldunnar en þau fara alltaf á skíðasvæði sem er rétt hjá Salzburg. Þetta er lítið skíðasvæði í ca 1800 m hæð og var þetta mjög gaman og rólegt. Það var ekkert stress á að endilega að vera að skíða sem mest heldur var þetta bara rólegheit... Maður fór á bretti þegar maður nennti og svoleiðis. En fínt veður og nóg af snjó.

Ég kom reyndar aðeins fyrr heldur en Isabel enda er ég að fara til Zurich í næstu viku og ég þarf að undirbúa mig smá fyrir það... Lesa smá og svoleiðis.

Ég verð nú reyndar bara rúman sólarhring í Zurich en það er mest vegna þess að í næstu viku koma síðan foreldrar mínir í heimsókn og verða fram yfir páska.

Hvað er annað á dagskrá? Ekki mikið.. Afmæli í Salzburg í lok apríl... Kannski viku sigling í kringum Majorca í lok maí...

Ég reyni að skrifa aftur fljótlega en vonandi eftir ca 2 vikur verð ég kominn með netið heim...